प्रचण्ड-नेपाल नेतृत्वको नेपाल कम्युनिष्ट पार्टी नेकपाले आन्दोलनका रणनीति बनाउनेबारे छलफल सुरू गरेको छ।
प्रचण्ड-नेपाल नेतृत्वको नेकपा स्थायी कमिटीको आज बसेको बैठकमा आन्दोलनलाई प्रभावकारी बनाउनेबारे छलफल भएको स्थायी कमिटी सदस्य लिलामणि पोखरेलले बताए।
'आन्दोलन गर्नुको विकल्प छैन भन्ने नै सबैको धारणा छ। यसबारेमा हाम्रो छलफल जारी छ,'उनले भने,'कार्यविभाजनबारे समेत छलफल भएको छ। बैठक भोलि ११ बजे बस्छ।'
बैठकबाट बाहिरिने क्रममा प्रचण्ड-नेपाल समूहका अध्यक्ष माधवकुमार नेपालले ओली समूहले पार्टीको आधिकारिकता दाबी गर्नुको अर्थ नरहेको बताए।
‘निर्वाचन आयोगले मागेको सबै जवाफ हामीले दिएका छौं। ओली समूहले दाबी गरेर कुनै अर्थ राख्दैन,’उनले भने,'त्यो कुनै पार्टी पनि होइन। त्यो त एउटा सानो गुट मात्रै हो।'