नेपाली कांग्रेसको १४ औँ महाधिवेशनको अन्तर्गत सल्यानका दश वटा पालिकाको परिणाम सार्वजनिक भएको छ।
दुई पालिकामा सर्वसम्मतिबाट नेतृत्व चयन गरिएको छ भने ८ वटा पालिकामा नेतृत्व चुन्न निर्वाचन भएको छ।
सल्यानमा पूर्वजिल्ला सभापति ध्रुवराज पुरी र जिल्ला समन्वय समितिका प्रमुख केशबहादुर विष्टले दुई फरकफरक प्यालन खडा गरि निर्वाचनमा होमिएका थिए।
पुरी र विष्टले जिल्ला सभापतिमा आफ्नो टिमसहित यसअिघ नै उम्मेदवारी घोषणा गरि सकेका छन्। यी दुबै जना केन्द्रमा सभापति शेरबहादुर देउवा पक्षधर मानिए पनि जिल्लाको हकमा पुरीको लाइन वरिष्ठ नेता रामचन्द्र पौडेलनिकट हो।
चिरपरिचित यी दुई प्रतिपस्पर्धीले जिल्लाका दश पालिका मध्य समान पाँच/पाँच पालिकाको परिणाम आफ्नो पक्षमा पारेका छन्।
सल्यानमा महत्वपूर्ण मानिने ध्रुव पुरीको प्यानलबाट उम्मेदवार बनेका दिपक हमालले जितेका छन्।
त्यस्तै कपुरकोट गाउँपालिकाको सभापति एकराज वली, दार्मा गाउँपालिको सभापतिमा कृष्ण वली, कालिमाटी गाउँपालिका सभापतिमा गणेश केसी, शिद्ध कुमाख गाउँपालिकाको सभापतिमा निर्वाचित बीरबहादुर बुढाथोकी पुरी प्यालनका हुन्।
त्यस्तै केशबहादुर विष्ट प्यालनबाट उम्मेदवारी दिएका मध्य बागचौर नगरपालिका सभापतिमा दिपेश डिसी, बनगाड कुपिण्डे नगरपालिकाको सभापतिमा पुरुस्वतम आचार्य, छत्रेश्वरी गाउँपालिकामा सभापति सीता केसी, कुमाख गाउँपालिका सभापतिमा ईश्वरी शाही र त्रिवेणी गाउँपालिकाको सभापतिमा गंगाराम पुन निर्वाचित भएका छन्।
सीता केसी सल्यानमा सभापति जित्ने एक्ली महिला हुन्। उनी छत्रेश्वरी गाउँपालिकाको उपाध्यक्ष पनि हुन्।