प्रदेशको नाम र राजधानी तोक्न सफल भएको खुसीयालीमा मधेस प्रदेश सरकारले आज सार्वजनिक बिदा दिएको छ।
मंगलबार प्रदेशभर सार्वजनिक बिदा दिएको हो।
सोमबार प्रदेश सभामा मतदान प्रक्रियाबाट प्रदेशको नाम ‘मधेस’ र राजधानी ‘जनकपुरधाम’ तोकिएको थियो।
सोही खुसीयालीमा प्रदेश सरकारले माघ ४ गते सार्वजनिक बिदा दिने घोषणा गरेको सरकारका प्रवक्ता तथा अर्थमन्त्री शैलेन्द्रप्रसाद साहले जानकारी दिए।
प्रदेश सरकार बनेको चार वर्षपछि प्रदेशले नाम र राजधानी पाएको हो।
