नेपाली सेनाका प्रधान सेनापति प्रभुराम शर्माले अमेरिकाबाट नेपाललाई चार वटा हवाईजहाज आउनुपर्नेमा अहिलेसम्म दुई वटा प्राप्त भएको बताएका छन्।
एउटा एयर एम्बुलेन्स छिट्टै आउने क्रममा रहेको पनि शर्माले जानकारी दिए। आज संसदको अन्तर्राष्ट्रिय सम्बन्ध समितिमा बोल्दै प्रधान सेनापति शर्माले ती हवाईजहाज स्टेट पार्टनरसीप प्रोग्राम (एसपिपी) बाट आएको पनि बताए।
‘हामीले राम्रा सहयोग लिएका छौं। यही पार्टनरसीपअन्तर्गत चार वटा सैनिक हवाईजहाज आउनुपर्नेमा दुई वटा आइसकेको छ। एउटा एयर एम्बुलेन्स तुरून्तै प्राप्त हुने अवस्था छ,’ उनले भने।
एसपिपीमार्फत भूकम्प, प्राकृतिक प्रकोपलगायत विपदमा आवश्यक पर्ने औजार तथा सामानहरू प्राप्त भएको पनि शर्माले बताए।
‘यसबाट कुनै पैसा, हतियार, बम र बारूद केही पनि आएको छैन,’ शर्माले भने, ‘एक रूपैयाँको हतियार गोली पनि आएको छैन। उनीहरूले दिँदैनन् पनि! अतिरञ्जित तरिकाले १० बुँदे बजारमा आएको छ, त्यो गलत हो।’
उनले एसपिपी पुनरावलोकन गर्न नेपाल सरकारलाई सेनाले पत्र लेखिसकेको पनि बताएका थिए।
भिडिओ: