नेपाली कांग्रेसका सांसद जीवन परियारले फुसको छाना भएको घरमा बसोबास गर्ने ज्येष्ठ नागरिकलाई मासिक १० हजार भत्ता दिनुपर्ने बताएका छन्।
सरकारले काठमाडौंको बानेश्वरमा १० तले भवन हुनेलाई र फुसको छानाका घरमा बस्नेलाई पनि समान ज्येष्ठ नागरिक भत्ता दिने गरेकोप्रति उनले असन्तुष्टि जनाए।
प्रतिनिधि सभाको सोमबारको बैठकमा बोल्दै सांसद परियारले भने, ‘बानेश्वरमा १० तले घर हुने र तराईमा फुसको छानाका घरमा बस्नेलाई पनि समान चार हजार भत्ता दिइएको छ। के यो भत्ताले समान न्याय दिन सक्छ? फुसको छानामा बस्ने ज्येष्ठ नागरिकलाई महिनामा १० हजार दिन सक्नुपर्छ।’
भिडिओ:
