नेकपा (एमाले)का अध्यक्ष केपी शर्मा ओलीले नक्कली भुटानी शरणार्थी प्ररणमा आफू नजिक रहेकालाई जबरजस्ती पोल्न लगाइएको बताएका छन्।
पार्टी कार्यालय, ललितपुरमा जारी अनुशिक्षणमा अध्यक्ष ओलीले शरणार्थी प्रकरणमा एमालेलाई मुछ्न बयानसमेत रोकिएको आरोप लगाए।
‘नक्कली भुटानी शरणार्थी प्रकरणमा एमाले, खासगरी मेरो नजिकका रहेका भनिएका मानिसहरूलाई कसरी नाम पोल्न लगाउने? कसरी नाम लेख्न लगाउने? कसरी नाम मुछ्न लगाउने र त्यो कसरी प्रचार गर्ने? भयो,’ उनले भने, ‘प्रहरीकहाँ कसैले बयानमा नाम उच्चारण गर्यो भने अखबारमा सँगसँगै कसरी पुग्छ? कहिलेकहिले अघिल्ला दिन अखबारमा पुग्छ, भोलिपल्ट बयानमा आउँछ, कस्तो तयारीसाथ भइरहेको छ।’
उनले सही गर्न नमान्दा, बयान रोकेर सही गराइएको पनि बताए।
नेकपा (एमाले)ले स्थानीय तहका मेयर, उपमेयर, अध्यक्ष र उपाध्यक्षहरूलाई अनुशिक्षण राखेको हो।
अनुशिक्षण शनिबारसम्म चल्नेछ।
प्रकाशित मिति: शुक्रबार, जेठ १२, २०८०, १६:४९:००
