प्रमुख प्रतिपक्षी दल नेकपा एमालेका सांसद रघुवीर महासेठले संसदमा पोलिग्राफ परीक्षणको व्यवस्था गर्न माग गरेका छन्।
बुधबार प्रतिनिधि सभामा बजेटमाथि छलफलको क्रममा महासेठले प्रधानमन्त्रीको भारत भ्रमणपछिको संसदमा कसको भनाइ सत्य र कसको झुट भन्ने स्पष्ट नभएकाले संसदमै पोलिग्राफ परीक्षणको व्यवस्था हुनुपर्ने माग राखेका हुन्।
उनले भारत भ्रमणबारे संसदमा भएको प्रश्नोत्तरमा प्रश्नकर्ता र उत्तर दिनेमध्ये एकले झुट बोलेको तर कसले भन्ने भेउ नपाएको बताए। आगामी दिनमा यस्तो हुन नदिन संसदमै पोलिग्राफ परीक्षण गरिनुपर्ने उनको माग छ।
'भारत भ्रमणको अडियो भिडियो हेर्दा एकथरी कुरा, संसदभित्र अर्कोथरी कुरा। प्रश्नकर्ता गलत थियो कि जवाफ दिने,' महासेठले भने, 'हामीसंग स्वास्थ्यसँग सम्बन्धित मेसिन धेरै छन्। एउटा पोलिग्राफ टेस्टिङ मेसिनको पनि व्यवस्था होस्। आगामी दिनमा आउने जवाफहरू सहि हुनेछ कि!'