नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्डले भारत भ्रममा भूमिका बारेमा बोल्न नसकेको बताएका छन्।
शनिबार काठमाडौंमा आयोजित पार्टी निकट नेपाल निजामती कर्मचारी संगठनको दोस्रो राष्ट्रिय महिला भेलामा बोल्दै उनले वर्तमान सरकारलाई नालायकको संज्ञा दिँदै देशकै लागि दूर्भाग्य भएको बताए।
यो सरकारले उपत्पादन वृद्धि दर बढाउन नसकेको र यसको कारण कोरोना र युक्रेन युद्धलाई दिने गरेको भन्दै उनले प्रश्न गरेका हुन्।
‘देशलाई नै ग्रहण लागेको जस्तो भएको छ। यी दुई वर्षमा ८ प्रतिशत पुर्याउँछु भनेको उत्पादन वृद्धिदर २ प्रतिशत नपुग्ने अवस्था छ। भनेको प्रतिबद्धता, कमिटमेन्ट, योजना केही पनि २५ प्रतिशत पनि मिलेन,’ उनले भने, ‘अहिले कोभिडसोभिडको मारले यस्तो भएको होइन। अनि युक्रेनको वार भनेर एउटा हल्ला चलाउने गरिएको छ। युक्रेनको वारले हामीलाई धुँवा उडाएको कि, धुलो उडाएको कि, के गर्या छ? युक्रेनको वारले हो?’
भारत भ्रमणमा पनि आफ्नो भूमि बारे बोल्न नसकेको पनि यही युक्रेनकै युद्धका कारण हो भनेर उनले सोधेका छन्।
‘अस्ती हाम्रा नदीहरू प्रचण्डजीले सित्तैमा दिएर आएको? आफ्नो भूमिको बारेमा चुइक्क बोल्न नसकेको युक्रेनको वारले हो?,’ उनले सोधे।
1626183247.jpg)
