राष्ट्रिय प्रजातन्त्र पार्टीकी सांसद रोसन कार्कीले सत्तापक्षले आफ्ना मन्त्री र सांसदहरूलाई मात्र कार्यक्रम र योजना दिएको गुनासो गरेकी छन्।
आइतबार प्रतिनिधि सभामा बजेटमाथिको छलफलमा बोल्दै सांसद कार्कीले बजेट र कार्यक्रम सबै सत्तापक्षले मात्रै लगेको गुनासो गरेकी हुन्।
'जतिपनि कार्यक्रमहरू र योजनाहरू छन्। सत्तापक्षको मन्त्रीज्युहरूको भागमा छ। हामीहरू विपक्षीहरूको भागमा त केही पनि छैन,' उनले भनिन्।
उनले अहिलेको सत्तापक्ष पछि विपक्षी हुनसक्ने सम्भावना पनि रहेकाले हेक्का राख्न समेत चेतावनी दिएका छन्।
'मलाई थाहा छ तपाईहरूले टेबल ठटाएर, बहुमतको दम देखाएर यो कार्यक्रम पास गर्नुहुन्छ,' उनले भनिन्, 'कार्यक्रमहरू पनि तपाईहरू नै लैजाने । सत्तापक्ष पनि तपाईहरू नै हुने। तर तपाईहरू पनि कुनै दिन विपक्षमा आउनुहुन्छ, ख्याल गर्नुहोला।
