अर्थमन्त्री प्रकाशशरण महतले जिल्ला निर्वाचन कार्यालय खारेज नभई सिडिओ कार्यालयभित्रै भवन राख्न लागिएको बताए।
सोमबार प्रतिनिधि सभामा बजेटमाथि सांसदहरूले उठाएका प्रश्नहरूको जवाफ दिँदै अर्थमन्त्री महतले खर्च कम गर्नका लागि जिल्ला निर्वाचनको कार्यालयलाई जिल्ला प्रशासन कार्यालय परिसरमा राख्न लागिएको उनले बताए।
'सिडिओ कार्यलयकै भित्र निर्वाचन कार्यालय राख्ने। त्यसले खर्चमा कमि आउँछ,' उनले भने, 'कति कमि हुन्छ र भन्ने कुरा आउला । यस्तै थोरै थोरै जोडेर धेरै हुने हो।'
उनले अगाडि सोधे, 'लोकतन्त्रका लागी लडेका पार्टीहरू निर्वाचन आयोगको स्वतन्त्र अस्तित्वलाई समाप्त पार्न खोज्छौ? कही सिडिओ कार्यालयलाई नै नेतृत्व दिने कुरा गर्न सक्छौ?'
अर्थमन्त्री महतले निर्वाचन कार्यालयमा पाँचै वर्ष काम नहुने भएकाले सिडिओ कार्यालय परिसर प्रयोग गरेर खर्च अलि गर्न सकिने बताए।
'यसको स्वतन्त्र अस्तित्व र यसले गर्नुपर्ने काम कुनैपनि सम्झौता नहुनेगरी सरकारले सम्बोधन गर्छ,' उनले भने।