नेकपा एकीकृत समाजवादी(एस)का सम्मानीत नेता झलनाथ खनाल समाजवादी मोर्चा घोषणाप्रति असन्तुष्ट देखिएका छन्।
सेतोपाटीसँग संक्षिप्त कुराकानी गर्दै नेकपा एसका सम्मानित नेता खनालले समाजवादी मोर्चाले वृहत वाम एकताको ढोका खोल्नुपर्ने बताए।
'अहिले नै यसै भन्न सक्दिनँ। यसले वृहत वाम एकताको ढोका खोल्यो भने यसको अर्थ छ। नत्र भने यो व्यर्थ हुन्छ,' खनालले भने।
आजको कार्यक्रममा तपाईं सहभागी हुने कि नहुने भन्ने प्रश्नमा उनले आफु व्यस्त रहेकाले यसै भन्न नसक्ने बताए।
'म अलि व्यस्त छु। हेरौं के हुन्छ, भ्यासम्म जान्छु,' उनले भने।
समाजवादी मोर्चा बनाउने क्रममा केही कमजोरी देख्नु भएको हो भन्ने प्रश्नमा उनले अहिले यसबारेमा केही नबोल्ने समेत बताए।
आज अपराह्न माओवादी केन्द्र, जनता समाजवादी पार्टी, एकीकृत समाजवादी र नेत्रविक्रम चन्द नेतृत्वको नेकपाले समाजवादी मोर्चा घोषणा गर्दैछन्।
मोर्चाको राजनीतिक–सैद्धान्तिक आधार र १५ बुँदे प्रतिबद्धतापत्र तयार भइसकेको छ।
