नेकपा एकीकृत समाजवादीका सम्मानित नेता झलनाथ खनालले मुलुकको राजनीतिकले ठीक बाटो नलिँदा मिटरब्याजी किसानले न्याय नपाएको बताएका छन्।
सोमबार समाजवादी मोर्चा घोषणा कार्यक्रममा बोल्दै उनले किसानहरूको पीडालाई सम्बोधन गर्न नसक्दा ११ दिन पैदल हिँडेर काठमाडौं आउनुपर्ने अवस्था आएको बताए।
‘संविधान बनाइसकेपछि सामाजिक र आर्थिक रूपान्तरण गर्न सकेनौं। पहिलो निर्वाचनमा नागरिकले बडो सुझबुझले वामपन्थी दललाई दुई तिहाइ दिएका हुन् तर, हामीले त्यतिबेला क्रान्तिकारी भूमिसुधार गर्नुपर्थो, त्यो नगरी यो देशका सुकुम्बासी, भूमिहीन किसान, गरिब र निम्न मध्यम वर्गका किसानको समस्या समाधान हुँदैन। अहिले पनि देशका मिटरब्याज पीडित किसान जिल्ला-जिल्लाबाट आएर ११ दिन हिँडेर पीडा पोखिरहेका छन्, यो अवस्था किन सिर्जना किन भयो? किनभने हामीले बाटो ठीक ढंगले लिन सकेनौं,’ उनले भने।
कृषि क्षेत्रमा यान्त्रिकीकरण र राष्ट्रिय औद्योगीकरणको विकास गर्न नसक्दा मुलुक पछाडि परेको उनको दाबी थियो।
दुई तिहाइको बहुमत हुँदा पनि त्यतिबेलाको नेतृत्वले केही गर्न नसकेको परिणाम देशले भोग्नुपरेको बताए।
-ink1687175218.jpeg)
