प्रमुख प्रतिपक्षी दल नेकपा एमालेका सांसद बर्तौलाले विद्यालयका लेखापाल र कार्यालय सहयोगीले नेपाल सरकारको खरदारसरह सेवासुविधा पाउनुपर्ने बताएका छन्।
प्रतिनिधि सभामा मन्त्रालयगत बजेटमाथिको छलफलमा सांसद बर्तौलाले सर्वोच्च अदालतको फैसला र सरकार आफैले विगतमा गरेको सम्झौता अनुसार उनीहरूको माग सम्बोधन गर्ने काममा सरकारले ढिलाइ गर्न नहुने बताए।
लेखापालले मासिक साढे १३ हजारमा काम गर्छन्, कार्यालय सहयोगीले ८ हजारमा । ८ हजारमा एउटा कर्मचारीले बालबच्चा कसरी पाल्छ, सामाजिक कामहरू कसरी टार्छ?,’ उनले भने।
एमाले संसदीय दलका सचेतक समेत रहेका बर्तौलाले विद्यालय तहका कर्मचारीका सो माग सम्बोधन गर्नका लागि तत्काल पहलकदमी लिन सरकारको ध्यानाकर्षण गराए।
