प्रधानमन्त्री पुष्पकमल दाहाल ‘प्रचण्ड’ले दृढ इच्छाशक्तिका साथ सुशासन र विकासको निम्ति काम गर्न सके विकासको तुफानै ल्याउन सकिने बताएका छन्।
प्रमुख प्रतिपक्षी दल एमालेका प्रमखु सचेतक पदम गिरीले सोधेको प्रश्नको जवाफ दिँदै प्रधानमन्त्री प्रचण्डले निराशा, कुण्ठा, अविश्वास र आशंका त्यागेर विश्वास र दृढताका साथ सबै मिलेर अगाडि जान सके विकास र सुशासनको तुफान ल्याउन सकिने बताएका हुन्।
गिरीले ‘४५ प्रतिशत पुँजीगत खर्च हुँदा कसरी विकासको तुफान आयो भनेर पत्याउने?’ भनी प्रश्न राखेका थिए।
जवाफमा प्रधानमन्त्री प्रचण्डले तुफान आइनसकेको तर आउने क्रममा रहेको बताए।
‘त्रिदेशीय साझेदारी, दस हजार मेगावाट, दस वर्षमा। या अरू थुप्रै कामहरू जसरी सुरू भएका छन्। अलिकति अगाडि जाने हो भने नेपालमा छिट्टै विकासको तुफान आउन चाहीँ सक्छ,’ उनले भने।
