कोशी प्रदेशका मुख्यमन्त्री हिक्मतकुमार कार्कीले विश्वासको मत माग्दै प्रदेशसभामा प्रतिनिधित्व गर्ने सबै दललाई पत्र पठाएका छन्।
नेकपा एमाले संसदीय दलको तर्फबाट पत्र लेख्दै उनले प्रदेश संरचनाको स्थायित्व, सुशासन र नागरिकको अपेक्षा पूरा गर्नका लागि र पटकपटक सरकार परिवर्तनको खेलले नागरिकमा निराशा उत्पन्न हुने भन्दै आफूलाई विश्वासको मत दिन आग्रह गरेका छन्।
उनले आज विश्वासको मत लिन लागिरहेका छन्।
उनले पत्रमा सबै दलहरूलाई पाँच वर्षसम्म सरकार सञ्चालन कसरी गर्ने भन्ने विषयमा थप छलफल गर्न तयार रहेको पनि बताएका छन्।
एमालेसँग प्रदेश सभामा ४० सिट छ भने उसको साथमा रहेको राप्रपासँग ६ सिट छ। ४६ मत साथमा भएका मुख्यमन्त्रीलाई बहुमत पुर्याउन एक मत कम छ।
विपक्षमा भने ४७ मत छ। कांग्रेस २९, माओवादी १३ (सभामुखसहित), एकीकृत समाजवादी ४ र जसपाको १ गरी ४७ सांसद सरकारको विपक्षमा छन्।
