वर्तमान सरकारको कामको समीक्षा गर्दै अखिल (क्रान्तिकारी) को बैठक सकिएको छ।
असार २३, २४ र २५ गते काठमाडौंमा ३ दिनसम्म चलेको बैठकले सरकारका कामको समीक्षा गर्दै यस्तो निष्कर्ष निकालेको अखिल (क्रान्तिकारी) का उपाध्यक्ष मदन भुलले जानकारी दिए।
सरकारले भ्रष्टाचार नियन्त्रणमा एकपछि अर्को लोकप्रिय र साहसिक काम गरेको भन्दै प्रधानमन्त्री र सिंगो क्याबिनेटलाई आाभार समेत प्रकट गरेको विद्यार्थी नेता भुलले जानकारी दिए।
बैठकमा राष्ट्रिय स्ववियू(काउन्सिल)को गठन, आगामी विधान अधिवेशन र राष्ट्रिय सम्मेलन लगायतका विषयमा तीन दिनसम्म छलफल भएको र बैठकमा विविध शैक्षिक मुद्दाहरू, आगामी कार्ययोजना र शैक्षिक संघर्षहरूबारे छलफल भएको थियो।
बैठकले विधान सम्मेलन गर्ने साथै, आगामी केन्द्रीय समितिको बैठकबाट केन्द्रीय सम्मेलनको मिति तोकेर अघि बढ्ने म्यान्डेट लिएको नेता भुलले जानकारी दिए।
