काठमाडौं महानगरपालिका नगर प्रहरीमा कार्यरत कर्मचारीले चल अचल सम्पत्ति किन्दा अनुमति लिनुपर्ने कानुन बनाउने प्रस्ताव पेश भएको छ।
बुधबार राष्ट्रिय सभा गृहमा आयोजित महानगरपालिकाको १३ औं नगरसभामा विधान समितिका संयोजक मच्चाराजा महर्जनले नगर प्रहरीमा कार्यरत कर्मचारीले चल अचल सम्पत्ति किन्दा अनुमति लिनुपर्ने विधेयक प्रस्ताव पेश गरेका हुन्।
उनी वडा नम्बर २३ का वडाध्यक्ष समेत हुन्। उनले नगरसभामा महानगर प्रहरी ऐन २०८० विधेयक प्रस्तुत गर्दै सम्पत्ति किन्दा अनुमति लिनुपर्ने कानुनी प्रावधान राख्नुपर्ने विधेयक प्रस्ताव गरेका हुन्।
नगर प्रहरीको बढुवा र सरूवा प्रदेश लोक सेवाबाट हुने गरि कानुनी व्यवस्था गर्न पनि उनको माग छ।
