अमेरिकाका लागि दक्षिण तथा मध्य एसिया मामिला हेर्ने सहायक विदेशमन्त्री डोनाल्ड लु प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड' को निवास पुगेका छन्।
'प्रचण्ड' पत्नी सीता दाहालको निधन भएको तेस्रो दिन शुक्रबार प्रधानमन्त्री निवास बालुवाटारमा दिवंगत दाहालप्रति श्रद्धाञ्जली अर्पण गर्न लु पुगेका हुन्।
यसअघि लुले परराष्ट्र मन्त्री एनपी साउद र नेपाली कांग्रेसका सभापति शेरबहादुर देउवालाई भेटेका थिए।
अमेरिकी सहायक विदेश मन्त्री लु शुक्रबार बिहान काठमाडौं आइपुगेका हुन्।
