नेपाल भ्रमणमा रहेका चिनियाँ कम्युनिष्ट पार्टी (सिपीसी) का पोलिट्ब्युरो सदस्य युआन च्या च्युन र माओवादी केन्द्रका पदाधिकारीबीच भेटवार्ता भय भएको छ।
भेटवार्ता आजै साँझ ६ बजे होटल द्वारिकामा तय भएको उपप्रधान तथा गृहमन्त्री नारायणकाजी श्रेष्ठको सचिवालयले बतायो।
चिनियाँ प्रतिनिधिमण्डलसँगको भेटमा उपप्रधान तथा गृहमन्त्री तथा नारायणकाजी श्रेष्ठसहित उपाध्यक्षहरू र उपमहासचिवहरूलाई खबर गरिएको छ।
छलफल द्विपक्षीय हित प्रवर्द्धन र कूटनीतिक शिष्टाचारका रूपमा हुने बताइएको छ। भेटमा प्रधानमन्त्री पुष्पकमल दाहाल ‘प्रचण्ड’को चीन भ्रमणबारे पनि छलफल हुनेछ। यद्यपि प्रधानमन्त्री प्रचण्डसँग भने चिनियाँ कम्युनिस्ट पार्टीका नेताको भेट हुने छैन। प्रधानमन्त्री शनिबार इटाली प्रस्थान गरेका छन् भने उनी १२ गतेमात्रै स्वदेश फर्कने छन्।
श्रीलंका भ्रमण सकेर च्या च्युन आइतबारै काठमाडौं आएका हुन् ।
युआन सिपिसी चिनियाँ कम्युनिस्ट पार्टीको माथिल्लै वरिताका नेता हुन्।
उनी तीन दिन काठमाडौं रहने बताइएको छ। यहाँ रहँदा उनले अरू दलका शीर्ष नेतासँग पनि भेटघाट गर्नेछन्।
