नेपाली कांग्रेसका महामन्त्री विश्वप्रकाश शर्माले माग पूरा गर्न दबाब दिँदै कालोमोसो दल्नेजस्ता गतिविधि गर्नेलाई अब पार्टीले कडा कारबाही गर्ने बताएका छन्।
सोमबार केन्द्रीय समिति बैठकमा बोल्दै शर्माले मर्यादित ढंगले माग राख्न आग्रह गरे।
‘भ्रातृ संस्थाहरूले मर्यादित भएर माग राख्नुपर्छ,’ उनले भने, ‘कालोमोसो दल्नेजस्ता क्रियाकलाप हुन्छ भने तत्काल सदस्यता खारेजी हुन्छ, थप कारबाही गरिन्छ।’
