प्रमुख प्रतिपक्षी नेकपा एमालेले गृहमन्त्री नारायणकाजी श्रेष्ठ पदमा बस्न नसुहाउने बताएको छ।
बुधबार प्रतिनिधि सभा बैठकमा आकस्मिक समय लिएर बोलेका प्रमुख सचेतक पदम गिरीले भने, ‘सुन तस्करी हुँदाखेरि गृहमन्त्री हुँ भनेर उहाँले जुन प्रकारले स्टन्टबाजी गर्दै हुनुहुन्छ, म कारबाही गर्छु म देखाउँछु भन्दै हिँड्नुहुन्छ। हामी भन्न चाहन्छौं- अब तपाईं कुन नैतिकताको धरातलमा पदमा बस्न सुहाउँछ?’
उनले सुन प्रकरण छानबिन गर्न उच्चस्तरीय छानबिन समिति बनाउन सभामुखले सरकारलाई रूलिङ गर्नुपर्ने पनि बताए। उनले उच्चस्तरीय छानबिन समिति बन्ने सुनिश्चितता नभए संसद अघि बढ्न नसक्ने पनि बताएका थिए।
* शीर्षक सच्याइएको
--1715160207.JPG)
