राष्ट्रिय प्रजातन्त्र पार्टी (राप्रपा) का अध्यक्षसमेत रहेका सांसद राजेन्द्र लिङ्देनले भ्रष्टाचार काण्डमा सरकार जरोमा नपुगेको बताएका छन्।
प्रतिनिधि सभाको बुधबारको बैठकमा बोल्दै उनले नेपाल सुन तस्करीको ट्रान्जिट बनिरहेको बताए।
‘केही भरियालाई पक्रेर सुन तस्करका नाइकेलाई जोगाउने काम नहोस्। जरासम्म पुगोस्,’ उनले भने, ‘अनुसन्धान प्रक्रिया अघि बढोस्।’
उनले यस प्रकरणमा छानबिनका लागि आयोग बनाउनुपर्ने बताए।
