नेपाली कांग्रेसका नेता प्रकाशमान सिंहले पार्टी संगठनलाई चलायमान बनाउन प्रशिक्षण दिनुपर्ने बताएका छन्।
कार्यकर्ता र पार्टी जीवनमा परिवर्तन ल्याउनका लागि प्रशिक्षण आवश्यक रहेको उनले बताए।
‘संगठन चलायमान बनाउन प्रशिक्षण आवश्यक छ,’ कांग्रेस काठमाडौं महानगर सम्मेलनमा बोल्दै सिंहले भने, ‘केन्द्रीय समितिले पार्टीलाई जनतासँग जोड्ने कार्यक्रम ल्याउने भनेको छ। छिट्टै सर्कलर आउला। सबैले गम्भीर भएर यो काममा लाग्नुपर्छ।’
उनले कांग्रेसको संगठन कमजोर नभए पनि चलायमान भने हुन नसकेको बताए। स्थानीय सरकार र जनप्रतिनिधि तथा पार्टी समितिहरूबीच समन्वय हुनुपर्ने सिंहको भनाइ थियो।
‘पार्टी बलियो भए मात्र चुनौती सामना गर्न सकिन्छ,’ उनले भने।
