नेपाली कांग्रेसका सांसद प्रदीप पौडेलले सामाखुसी क्षेत्रमा तत्काल ढल व्यवस्थापन गर्न माग गरेका छन्।
प्रतिनिधि सभाको पूर्वाधार विकास समितिको मंगलबारको बैठकमा बोल्दै उनले बाढीले वर्षेनी सामाखुसी क्षेत्रमा मानवीय क्षति हुने गरेकोले तत्काल ढल निर्माण गरिनुपर्ने बताए।
चक्रपथ विस्तारका क्रममा भइरहेको काम वर्खा लागेपछि रोकिँदा सामाखुसी क्षेत्रमा डुवानजस्ता समस्या देखिने गरेका छन्।
‘सामाखुसी क्षेत्रमा तत्काल ढल व्यवस्थापन गर्नुपर्यो,’ उनले भने, ‘बाटो नै खोलाजस्तै भएको छ। यहाँ १३ वर्षका साजन मगर बाटो हिँड्दाहिँड्दै साउन ७ गते बेपत्ता भएका थिए।’
उनले भौतिक योजना मन्त्रालयले तत्काल ढल व्यवस्थापन गर्नुपर्ने बताए। ‘अहिलेलाई अस्थायी रूपमा भए पनि ढल व्यवस्थापन गर्नुपर्यो,’ उनले भने।
-1715411980.jpg)
