सार्वजनिक लेखा समितिको बैठक स्थगित भएको छ। संसद्को सार्वजनिक लेखा समितिको बैठक दिउँसो १ बजेलाई बोलाइएको थियो।
तर, विपक्षी दलहरू नेकपा (एमाले) र राष्ट्रिय स्वतन्त्र पार्टी (रास्वपा)का सांसदहरू अनुपस्थित भएपछि बैठक स्थगित भएको हो।
नेकपा (एमाले) का सांसदरूले यसअघि नै सभापति चयन नभएसम्म समिति बैठकमा सहभागी नहुने बताएका थिए।
एमाले सांसद अच्युत मैनालीले सभापति चयनको दबाबको लागि बैठकमा नगएका छन्।
‘दबाब स्वरूप बैठकमा उपस्थित नभएका हौं,’ उनले सेतोपाटीसँग भने।
रास्वपाका सांसद मनीष झाले भने कार्यव्यवस्तताले आजको बैठकमा उपस्थित हुन नसकेको बताए।
प्रमुख दलबीच समिति भागबन्डामा कुरा मिले पनि सभापति चयनको मिति टुंगो लाग्न सकेको छैन। सार्वजनिक लेखा समिति प्रमुख प्रतिपक्षी दल नेकपा (एमाले) ले नै पाउने निश्चित भइसकेको छ।
--1715160207.JPG)
