ललितपुर–२ बाट निर्वाचित सांसद प्रेम महर्जनले एउटै आर्थिक वर्षमा ६ सय ७६ बालबालिका हराएको बताएका छन्।
प्रतिनिधि सभाको बिहीबारको बैठकमा बोल्दै सांसद महर्जनले आर्थिक वर्ष २०७९/०८०को देशभरबाट ५ हजार ८ सय २६ बालबालिका हराएकामा ५ हजार १ सय ५० बालबालिका मात्रै फेला परेको र ६ सय ७६ फेला नपरेको बताका छन्।
‘राष्ट्रिय बालपरिषद्को तथ्यांकअनुसार आर्थिक वर्ष २०७९/०८० मा १ हजार ६ सय १ बालक र ४ हजार २ सय २५ बालिका गरी ५ हजार ८ सय २६ बालबाबलिका हराएका थिए। जसमध्ये ५ हजार १५० बालबालिका भेटिए भने ६ सय ७६ बालबालिका हराइरहेका छन्,’ उनले भने, ‘यति धेरै बालबालिका हराएका छन्,राज्यले किन खोजी नगरेको? यति गम्भीर विषयमा प्रहरीमात्रै उत्तरदायी हुने हो कि, राज्यले पनि केही कदम चाल्ने हो?’
उनले दुई महिनाअगाडि आफ्नै निर्वाचन क्षेत्रबाट १२ वर्षका बालक हराएको र अहिलेसम्म फेला नपरेको भन्दै गृहमन्त्री र महिला, बालबालिका तथा ज्येष्ठ नागरिक मन्त्रीको ध्यानाकर्षण गराए।
