नेकपा एकीकृत समाजवादीको केन्द्रीय कमिटी बैठक सकिएको छ।
ललितपुरको बालकुमारीको पार्टी कार्यालयमा मंगलबारदेखि जारी बैठक आज सकिएको हो।
बैठकले माघ १४ देखि १८ गते महाधिवेशन गर्ने निर्णय गरेको छ।
यस्तै बैठकले अध्यक्ष माधव कुमार नेपालले बैठकमा पेश गरेका राजनीतिक र सांगठनिक प्रतिवेदन सुझावसहित सर्वसम्मतिले पारित गरेको महासचिव घनश्याम भुसालले जारी गरेको पूर्णपाठमा उल्लेख छ।
यसैगरी बैठकले एमसीसी सम्झौता ठूलो विवादका बीच नेपालको हित रक्षाको प्रत्याभूतिका लागि संसदबाट व्याख्यात्मक घोषणा गरिएको तथ्य स्मरण गराउँदै त्यसको कार्यान्वयनको वर्तमान अवस्थाबारे सार्वजनिक जानकारी गराउन र संसदले व्याख्यात्मक घोषणालाई सम्झौताका अंग बनाएर पारित गरेको हुँदा त्यसै अनुसार भए/नभएको अनुगमन गर्न संसदीय समिति बनाउन सरकारसँग जोडदार माग गरेको छ।
