नेकपा माओवादी केन्द्रले शनिबारदेखि सुरु हुने जनतासँग माओवादी कार्यक्रमका लागि पार्टीका सबै पदाधिकारीको कार्यक्षेत्र तय गरेको छ।
शुक्रबार पत्रकार सम्मेलन गरेर प्रवक्ता अग्नी सापकोटाले पार्टी अध्यक्ष पुष्पकमल दाहालसहित पदाधिकारीहरू खटिने कार्यक्षेत्र सार्वजनिक गरेका हुन्।
जसअनुसार अध्यक्ष प्रचण्ड काठमाडौंको चन्द्रागिरि नगरपालिका वडा नम्बर २ मा जानेछन्।
उनले अभियानको उद्घाटन त्यहीबाट गर्नेछन्। वरिष्ठ उपाध्यक्ष नारायणकाजी श्रेष्ठ ललितपुर महानगरपालिका २८ हरिशिद्धी, उपाध्यक्ष कृष्णबहादुर महरा सुनछहरी गाउँपालिका जेलवाङ रोल्पा,अग्नी सापकोटा लिसंखुपाखर ३ सिन्धुपाल्चोकमा र पम्फा भूसाल ललितपुर महानगरपालिका २२ मा खटिनेछन्।
यस्तै महासचिव देव गुरुङ सुन्दरबजार नगरपालिका ८ लमजुङ, उपमहासचिव गिरिराजमणि पोखरेल गोकर्णेश्वर नगरपालिका ४, वर्षमान पुन काठमाडौं महानरपालिका १६, हरिबोल गजुरेल कमलामाई नगरपालिका, जनार्दन शर्मा चन्द्रागिरि नगरपालिका २, शक्ति बस्नेत भेरी नगरपालिका १ जाजरकोट र उपमहासचिव मात्रिका यादव विरेन्द्रनगर नगरपालिका १ मा खटिनेछन्।
नेकपा माओवादी केन्द्रले जनतासँग माओवादी विशेष रुपान्तरण अभियानको आइतबार देशभरका वडाहरूमा एकैसाथ उद्घाटन गरेर सुरू गर्दैछ।
