नेकपा एकीकृत समाजवादीले केन्द्रीय कमिटीको कार्यविभाजनमा हेरफेर गरेको छ।
केन्द्रीय सचिवालयको ६६ औं कार्यविभाज हेरफेर गरेको उसले अन्तरपार्टी निर्देशन (अपानि) मार्फत जानकारी गराएको हो।
यस पटक संघीय निर्वाचन क्षेत्रसम्म केन्द्रीय कमिटीका सदस्यलाई इञ्चार्ज बनाउने गरी कार्यविभाजन गरिएको अपानिमा बताइएको छ।
पार्टी अध्यक्ष माधवकुमार नेपालले समग्र पार्टी कामको नेतृत्व गर्ने बताइएको छ। त्यस्तै महासचिव घनश्याम भुसालले समग्र सांगठनिक कामको अनुगमन र मोर्चा संगठनका कामको विशेष अनुगमन गर्ने अपानिमा उल्लेख छ।
पार्टीका सम्मानित नेता झलनाथ खनाललाई विदेश विभाग प्रमुखको जिम्मेवारी तोकिएको छ।
पार्टीका नेता प्रदीप नेपाललाई प्रतिष्ठानहरूको इञ्चार्जको जिम्मा दिइएको छ। उपाध्यक्ष बेदुराम भुसाललाई संगठन विभागको जिम्मा दिइएको छ।
संगठन विभागको उपप्रमुखमा प्रकाश ज्वाला तोकिएका छन्।
उपाध्यक्ष राजेन्द्र पाण्डेलाई संघीय संसदीय विभाग प्रमुखको जिम्मा दिइएको छ। राजकीय मामिलाको प्रमुख पनि उनैलाई तोकिएको छ।
अरू नेताहरूलाई केके जिम्मेवारी दिइयो ? हेर्नुहोस् सूची
