नेकपा (एमाले) को कर्णाली प्रदेश कमिटी चयनका लागि भएको निर्वाचनअन्तर्गत मतगणनाको समय सरेको छ।
सोमबार बिहान ८ बजेका लागि तोकिएको मतगणना दुई घण्टा पर सरेको हो।
निर्वाचन कमिटी र सम्बन्धित उम्मेदवारहरुसँग मतगणना प्रणालीका विषयमा छलफल नै ढिलो सुरु भएकाले मतगणनाको समय धकेलिएको उपाध्यक्षका उम्मेदवार टेकराज पछाईले बताए।
‘छलफल हुँदैछ, तोकिएको समयमा मतगणना भएन,’ उनले भने, ‘साढे ९ वा १० बजेतिरबाट सुरू होला।’
नेतृत्व चयनका लागि आइतबार दिउँसो पौने २ बजेखि राति ९ बजेसम्म मतदान भएको थियो।
मतदानमा ६०९ जना मतदाता सहभागी भएको निर्वाचन कमिटीले जनाएको छ।
