जनता समाजवादी पार्टीका सांसद प्रदीप यादवले पूर्वराजा ज्ञानेन्द्र शाहको लोकतन्त्र विरोधी गतिविधिको निगरानी गर्नुपर्ने बताएका छन्।
प्रतिनिधि सभाको बिहीबारको बैठकमा बोल्दै उनले अहिले राजावादी हुँ भन्नेहरू हौसिएको बताए।
‘अहिले आफूलाई राजावादी भन्नेहरू हौसिएका छन्, किन?,’ उनले प्रश्न गरे, ‘कतै आगो लगाएर न्यानो ताप्ने योजना त छैन यिनीहरूको? जनतामा आशंका छ। पूर्वराजा ज्ञानेन्द्र शाहको लोकतन्त्र विरोधी गतिविधिको निगरानी गर्नुपर्छ। संघीय गणतन्त्र ठूलो बलिदानबाट आएको हो।’
मधेसको राजनीतिक तागत भनेको हिन्दु र मुस्लिम समुदायको साझा एकता भएको उनले बताए।
