संस्कृति, पर्यटन तथा नागरिक उड्डयनमन्त्री सुदन किरातीले योग्य भएकै कारण ल्हारक्याल लामालाई लुम्बिनी विकास कोषको उपाध्यक्ष नियुक्त गरिएको बताएका छन्।
विहीबार प्रतिनिधि सभा अन्तर्गत अन्तर्राष्ट्रिय सम्बन्ध र पर्यटन समितिको सिंहदरबारमा बसेको बैठकमा पर्यटनमन्त्री किरातीले योग्य भएकै कारण लामालाई २०४२ को दफा ८ को ख बमोजिम नियुक्ति गरेको बताए।
उनले कसैको दबाव र प्रभावमा नभई खुशीले नियुक्त गरेको मन्त्री किरातीले बताए।
गिरिजाबाबुको पालामा उहाँ गुम्बा विकास समितिको अध्यक्ष भइसकेको मान्छे, एमालेको पालामा संविधान सभाको सदस्य, पूर्व अर्थराज्यमन्त्री भइसकेको, माओवादीतिर आइसकेपछि पनि पटकपटक सांसद, भइसकेको मान्छे उहाँलाई लागेको आरोप राज्यका सबै अंगले प्रमाणित नगरेको र लागेको आरोप पुष्टि नभइसकेपछि मान्छे अभियुक्त हुँदैन,’ मन्त्री किरातीले भने।
मन्त्री किरातीले माओवादी केन्द्रको केन्द्रिय सदस्य भएकाले पनि कोषको उपाध्यक्ष नियुक्त गर्न सजिलो भएको बताए।
मन्त्री किरातीले आफू मन्त्री बनेपछि ४८ अर्ब ऋणमा रहेको वायुसेवा निगमसँग अहिले १ अर्ब ६५ करोड रूपैयाँ रकम रहेको बताए। त्यसले साना जहाज खरिद प्रक्रियामा निगम लागेको उनले बताए।
‘हामी मन्त्रालयमा आइसकेपछि ४ अर्ब ऋण तिरेका छौँ । पहिलो पटक २ अर्ब ९४ करोड र पछिल्लो समय १ अर्ब र अहिले पनि हामीसँग १ अर्ब ६५ करोड पैसा छ,’ उनले भने।
मन्त्री किरातीले युरोपियन युनियनको कालोसूचिबाट नेपाल चाँड हट्नेमा आशावादी रहेको पनि बताए। -न्युज एजेन्सी नेपालबाट
1678214071.jpg)
