नेकपा माओवादी (केन्द्र)की उपाध्यक्ष पम्फा भुसालले निजी शैक्षिक संस्थालाई धारे हात लाएर मात्र सरकारी शिक्षा मजबुत नहुने बताएकी छन्।
शुक्रबार अखिल(क्रान्तिकारी)को केन्द्रीय कार्यालय टिमको बैठकमा बोल्दै उनले विद्यार्थी नेताहरूलाई प्रशिक्षणात्मक निर्देशन दिएकी हुन्।
उनले सरकारी र सार्वजनिक शिक्षालाई महत्व दिने पार्टीको नीति हुँदा हुँदै पनि सरकारी शैक्षिक संस्थालाई बलियो नबनाई र आम मानिसमा आकर्षण पैदा नगराई निजी शिक्षाको पुर्ण विकल्प तयार हुन नसक्ने बताइन्।
माओवादीको ३ महिने अभियानको समीक्षा गरिएको बैठकमा पहिलो चरणमा उपत्यकाका सबै सरकारी शिक्षण संस्थालाई निजी सरह प्रतिस्पर्धी हुने गरी बनाउन कार्ययोजना बनाएरै अघि बढ्न भुसालले निर्देशन दिइन्।
