नेपाल विद्यार्थी संघ (नेविसंघ) ले इजरायलमा रहेका नेपाली विद्यार्थीलाई तत्काल उद्धार गर्न सरकारलाई ध्यानाकर्षण गराएको छ।
परराष्ट्र मन्त्री एनपी साउदलाई भेटेर नेविसंघ अध्यक्ष दुजाङ शेर्पालगायतले इजरायलमा रहेका नेपालीलाई उद्धार गर्न ध्यानाकर्षण गराएका हुन्।
हमासको आक्रमणमा परेर इजरायलमा १० जना नेपाली विद्यार्थीको मृत्यु भएको छ।
उक्त घटनामा पीडित परिवारका सदस्य, टीकापुर कृषि क्याम्पसका सभापति र विद्यार्थीहरूले सरकारकाे चासाे नपुगेकाे गुनासाे गरेका थिए। उनीहरूले इजरायलमा बंकरमा रहेका नेपाली विद्यार्थीहरूसँग मन्त्री साउदलाई संवाद पनि गराएका थिए।
पीडित परिवारसहित गएर आफूहरूले परराष्ट्र मन्त्रीज्यूकाे ध्यानाकर्षण गराएको शेर्पाले बताए। जवाफमा परराष्ट्र मन्त्री साउदले इजरायलमा रहेका नेपालीलाई उद्धार गर्न पहल भइरहेको बताएका थिए।
