नेपाली कांग्रेसका सभापति शेरबहादुर देउवाले संक्रमणकालीन न्यायसँग सम्बन्धित विधेयक छिट्टै संसदबाट पारित गरिने बताएका छन्।
आइतबार संयुक्त राष्ट्रसंघका महासचिव एन्टोनियो गुटेरेससँग नयाँ बानेश्वरमा भएको भेटमा देउवाले शान्ति प्रक्रिया छिटो टुंगोमा पुर्याइने बताए।
महासचिव गुटेरेसले नेपालको शान्ति प्रक्रिया टुंगोमा पुर्याउनुपर्ने विषय राखेका थिए। त्यसपछि देउवाले संक्रमणकालीन न्यायसँग सम्बन्धित विधेयक छिटै संसदबाट पारित गरिने प्रतिबद्धता जनाएका हुन्।
‘शान्ति प्रक्रियालाई टुंगोमा पुर्याउन टिआरसी विधेयक छिट्टै पारित गर्छौं,’ देउवाका भनाइ उद्धृत गर्दै कानुन मन्त्री धनराज गुरूङले भने, ‘यसलाई सर्वसम्मत ढंगबाटै अघि बढाउँछौं।’
(न्युज एजेन्सी नेपाल)
