नेपाली कांग्रेसका नेता शेखर कोइरालाले सत्ताका लागि जे पनि गर्ने पार्टीसँगको गठबन्धन पार्टीका लागि महँगो परेको टिप्पणी गरेका छन्।
नेकपा (माओवादी केन्द्र) ले कांग्रेससँग सहकार्य सोमबारदेखि तोडेर नयाँ समीकरण बनाएको थियो।
त्यसतर्फ लक्षित गर्दै कोइरालाले भनेका छन्, ‘राजनीतिमा गठबन्धन बन्नु, तोडिनु र फेरि बन्नु सामान्य हो, हिजोको घटना सामान्य होइन।’
उनले माओवादीको नाम नलिई कमजोर, अस्थिर र सत्ताका लागि जे पनि गर्न तयार पार्टीसँगको गठबन्धन कांग्रेसका लागि महँगो सावित भएको उल्लेख गरेका छन्।
‘यस घटनामा कतै हाम्रा व्यक्तिगत हठ पनि केही हदसम्म जिम्मेवार भए कि? भविष्यको लागि सजग बनौं,’ कोइरालाले भने।
यो पनि: भेटुम् भन्दै ओलीले दिनमै दुईपल्ट फोन गर्थे, भेटिनँ, प्रचण्ड भित्रभित्रै भेट्दा रहेछन्: देउवा
