मुकुल ढकाललाई रास्वपाले गर्‍यो कारबाही

महामन्त्री, प्रवक्ता र केन्द्रीय सदस्यबाट पदमुक्त गर्ने निर्णय

सेतोपाटी संवाददाता

काठमाडौं, असार २५

राष्ट्रिय स्वतन्त्र पार्टी (रास्वपा) ले मुकुल ढकाललाई कारबाही गरेको छ।

मंगलबार च:मतिमा बसेको केन्द्रीय समिति बैठकले ढकाललाई साधारण सदस्य मात्र राख्ने गरी अरू पदीय जिम्मेवारीबाट हटाउने निर्णय गरेको हो।

पार्टीका सहप्रवक्ता मनिष झाका अनुसार केन्द्रीय अनुशासन आयोगले गरेको सिफारिसअनुसार ढकाललाई पदमुक्त गर्ने निर्णय भएको हो।

ढकाललाई रास्वपाले महामन्त्री, प्रवक्ता र केन्द्रीय सदस्य पदबाट मुक्त गरेको उनले जानकारी दिए। पार्टीको आचारसंहिता उल्लंघन गरेको र पार्टीलाई क्षतिसमेत पुर्‍याएको भन्दै रास्वपाले ढकाललाई कारबाही गरेको हो।

झाका अनुसार ढकाललाई महामन्त्री, प्रवक्ता र केन्द्रीय सदस्यबाट पदमुक्त गर्ने केन्द्रीय समितिबाट सर्वसम्मत निर्णय भएको हो।

‘पार्टी विधानको धारा ५६ (३) बमोजिम पार्टीको साधारण सदस्य कायम राखी पार्टी महामन्त्री, प्रवक्ता तथा केन्द्रीय समिति सदस्यबाट पदमुक्त गर्ने सर्वसम्मत निर्णय गरिएको छ,’ उनले भने।

कारबाही चित्त नबुझेमा ढकालले ३५ दिनभित्र पार्टीको पुनरावेदन समितिमा पुनरावेदनका लागि निवेदन दिन सक्नेछन्।

पार्टी केन्द्रीय समिति बैठकले महामन्त्रीलगायत पदबाट पदमुक्त गरेको सार्वजनिक हुनेबित्तिकै ढकालले 'रवि लामिछाने क्लबबाट निस्कासित भएको हुँ, रास्वपाभित्र घण्टी बज्न रोकिँदैन' भन्ने प्रतिक्रिया दिएका छन्।

ढकालले आफूलाई स्पष्टीकरणको मौकासमेत नदिई पार्टीले कारबाही गरेको दाबीसमेत गरेका छन्।

ढकालले ३९ जिल्लाका नेता तथा कार्यकर्तासँग अन्तर्क्रिया गरी प्रतिवेदन सभापति रवि लामिछानेलाई बुझाएका थिए। उक्त प्रतिवेदन यसअघि बसेको केन्द्रीय कार्यसमिति बैठकमा सहमहामन्त्री कवीन्द्र बुर्लाकोटीले पढेर सुनाएका थिए।

यो पनि:

मुकुल ढकाललाई रास्वपाले गर्‍यो महामन्त्रीबाट सात दिनका लागि निलम्बन

मुकुल ढकालको महामन्त्री र प्रवक्ता जिम्मेवारी खोस्ने रास्वपाको तयारी

बोल्न पाउने अधिकार हनन भएको भन्दै मुकुल ढकाल कालो टेप लगाएर बैठकमा

महामन्त्रीको व्यवहार असहज, अस्वाभाविक र अप्राकृतिक भयोः स्वर्णिम वाग्ले

प्रदेश संरचना खारेज गर्नुपर्छः रास्वपा महामन्त्री ढकाल

हाम्रो पार्टी विवेकशील बन्ने बाटोमा छ भन्दा म महामन्त्रीबाट घोक्र्याइन सक्छु: मुकुल ढकाल

रास्वपा महामन्त्रीको प्रतिवेदनः ओली र प्रचण्डसँग भन्दा बालेनसँग मिल्नु ठिक

चीनको 'पिपुल्स कंग्रेस' बाट प्रेरित रास्वपाको प्रदेश परिषद्को प्रस्ताव: महामन्त्री ढकाल

रास्वपाले एक वर्षअघि नै अस्वीकृत गरेको थियो बालेनसँग मिल्ने मुकुल ढकालको प्रस्ताव

प्रकाशित मिति: मंगलबार, असार २५, २०८१ १३:२८

सिफारिस