नेपाली कांग्रेसको भ्रातृ संस्था नेपाल विद्यार्थी संघ (नेविसंघ) ले अहिलेसम्म ३३ वटा क्याम्पसमा आफ्ना उम्मेदवारहरू स्ववियु सभापति निर्विरोध भएको बताएको छ।
स्ववियु निर्वाचनका लागि मंगलबार उम्मेदवारी दर्ताको कार्यक्रम थियो।
जसमा ३३ क्याम्पसमा नेविसंघको एकल उम्मेदवारी परेको र निर्विरोध भएको नेविसंघ केन्द्रीय कार्यालयले जनाएको छ।
नेविसंघ प्रवक्ता सुरज सेजुवालले निर्विरोध भएका क्याम्पस र सभापतिको नामसहित सूची तयार गर्ने काम भइरहेको बताए।
नेविसंघलाई स्ववियु चुनावमा पनि टिकट वितरणमा सकस परेको थियो। सभापति शेरबहादुर देउवाले अध्यक्ष दुजाङ शेर्पालाई विवाद समाधान गर्न सक्ने अधिकारसमेत दिएका थिए।
नेविसंघभित्र सभापति देउवा र महामन्त्री गगन थापा निकटका विद्यार्थीहरूले टिकट पाएको भन्दै असन्तुष्टिसमेत छ। सोही कारण नेता शेखर कोइराला निकटका विद्यार्थीहरूले बागी उम्मेदवारी पनि दिए- त्रिविलगायत विभिन्न क्याम्पसहरूमा।
त्रिवि केन्द्रीय क्याम्पस, थापाथली इन्जिनियरिङ क्याम्पस, त्रिचन्द्र क्याम्पस, आरआर क्याम्पस, सर्लाही क्याम्पस, ठाकुरराम बहुमुखी क्याम्पसलगायतमा कोइराला पक्षले बागी उम्मेदवारी दिएका छन्।
सिन्धुपाल्चोक, काभ्रे, गोरखालगायत केही जिल्लाहरूमा नेविसंघ र अनेरास्ववियुबीच चुनावी तालमेलसमेत भएको छ। त्रिचन्द्रमा भने नेविसंघविरूद्ध अन्य संघसंगठन एकजुट भएका छन्।
स्ववियु चुनाव चैत ५ गते हुँदैछ।
विद्यार्थी संघसंगठनका विवादलगायत विषयका कारण शंकरदेव, विश्वभाषा, नेपाल ल, पब्लिक युथ, ग्रामीण आदर्श बहुमुखी, पिपुल्स, पद्यकन्या बहुमुखी क्याम्पसमा भने मनोनयन दर्ता भएको थिएन।
त्रिभुवन विश्वविद्यालय विद्यार्थी कल्याण तथा खेलकुद निर्देशनालयका निर्देशक पशुपति अधिकारीका अनुसार अधिकांश आङ्गिक र सम्बन्धन प्राप्त क्याम्पसमा मंगलबार विद्यार्थी सङ्गठनहरूले निर्वाचनका लागि प्रत्यक्ष तथा सामानुपातिकतर्फका उम्मेदवारको मनोनयन दर्ता गराएका थिए।
नेविसंघले निर्विरोध जितेको दाबी गरेका क्याम्पस:
