आम जनता पार्टीका सांसद प्रभु साहले प्रधानमन्त्री केपी शर्मा ओलीले आफूले सोधेको प्रश्नमा जबाफ नदिएको भन्दै प्रधानमन्त्रीसँग प्रश्नोत्तरसम्बन्धी कार्यसूची हटाउन माग गरेका छन्।
कार्यसूचीबाट उक्त कार्यक्रम नहटाए प्रतिनिधि सभा बैठक बहिष्कार गर्ने उनले चेतावनी दिए। बिहीबार प्रतिनिधि सभामा सांसदले प्रधानमन्त्रीलाई प्रश्न सोध्ने र प्रधानमन्त्री केपी शर्मा ओलीले जबाफ दिने कार्यसूची छ।
सांसद साहले फागुन ४ गते प्रतिनिधि सभामा प्रधानमन्त्रीसँग प्रश्नोत्तरमा भाग लिँदै विभिन्न प्रश्न सोधेका थिए। तर प्रधानमन्त्री ओलीले उनका प्रश्नमा जबाफ दिएका थिएनन्।
सांसदले सोधेका प्रश्नमा प्रधानमन्त्रीले जबाफ नदिने भएपछि यो कार्यक्रमको औचित्य नहुने पनि सांसद साहको भनाइ छ। उनले कार्यसूचीबाट यो कार्यक्रम नहटे बहिष्कार गर्ने बताए।
यो पनि: प्रभु साहका आठ प्रश्न जसको जवाफ दिएनन् ओलीले
