नेपाली कांग्रेसको भातृ संस्था राष्ट्रिय लोकतान्त्रिक संघको अध्यक्षमा उम्मेदवारी दिने माधवप्रसाद चम्लागाईंले घोषणा गरेका छन्।
चम्लागाईंको समूहबाट उपाध्यक्षमा उदयबहादुर लिम्बु र महामन्त्रीमा गणेशबहादुर खत्रीको उम्मेदवारी घोषणा भएको छ।
चम्लागाईसहित वर्तमान अध्यक्ष प्रकाश पन्तले पनि उम्मेदवारी दिने तयारी गरेका छन्।
अध्यक्षमा विकास थापाले पनि उम्मेदवारी दिने तयारी गरेका छन्।
संघका संस्थापक अध्यक्ष भोजराज श्रेष्ठले सकेसम्म सर्वसम्मत नेतृत्व चयन गरिने बताए।
राष्ट्रिय लोकतान्त्रिक अपांग संघको चैत ८ र ९ गते प्रथम केन्द्रीय महाधिवेशन कांग्रेसको पार्टी कार्यालय सानेपामा हुनेछ।
महाधिवेशनमा देशभरबाट एक हजार तीन जना केन्द्रीय प्रतिनिधि सहभागी हुनेछन्।
महाधिवेशनमार्फत ३९ जना निर्वाचित, १२ जना मनोनीत गरेर ५१ जनाको कार्यसमिति बन्नेछ।
अध्यक्ष एक जना, उपाध्यक्ष (महिला/खुल्ला) दुई जना, महामन्त्री खुल्ला दुई जना, सदस्यहरू ३ महिलासहित खुल्ला १० जना, फरक प्रकारको अपांगताबाट १० जना, प्रत्येक प्रदेशबाट महिला र खुल्ला गरी दुई जनाका दरले १४ जना गरी जम्मा ३९ जना निर्वाचनबाट आउनेछन् भने बाँकी १२ जना समावेशी सिद्धान्तअनुसार मनोनीत हुनेछन्।
