प्रतिनिधि सभाको राज्य व्यवस्था एवं सुशासन समितिका सभापति रामहरि खतिवडाले संघीय मामिला तथा सामान्य प्रशासन मन्त्रालयलाई काठमाडौं महानगरपालिकाको प्रमुख प्रशासकीय अधिकृतको विवाद टुंग्याउन अनुरोध गरेका छन्।
बुधबार राज्य व्यवस्था समितिको बैठकमा उपस्थित भएका संघीय मामिला मन्त्री राजकुमार गुप्तालाई सभापति खतिवडाले उक्त अनुरोध गरेका हुन्।
'महानगरको कार्यकारीसम्बन्धी विवाद आइरहेको छ,' उनले भने, 'सम्बन्धित मन्त्री यहीँ भएको हुँदा उक्त विवाद टुंग्याउन अनुरोध गर्न चाहेँ।'
यस्तै, उनले उक्त विवाद सधैं नआओस् भन्दै विवाद टुंग्याउन अनुरोध गरेको बताए।
