काठमाडौंको तीनकुनेमा भएको प्रदर्शनमा पक्राउ परेका ५९ जनालाई सात दिन हिरासतमा राख्न अनुमति दिएको छ।
काठमाडौं जिल्ला अदालतले बुधबार ५९ जनालाई सात दिन म्याद थप गरेको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
यसअघि थप गरिएको म्याद सकिएपछि प्रहरीले उनीहरूलाई बुधबार अदालतमा पेस गरेको हो।
आइतबार जिल्ला अदालत काठमाडौंले पाँच दिनको म्याद दिएको थियो। त्यतिबेला ४१ जनालाई प्रतिवादीको रूपमा अदालतमा पेस गरेको थियो।
मंगलबार प्रहरीले थप १८ जनालाई सार्वजनिक गरेको थियो।
रवीन्द्र मिश्र, धवलशम्शेर राणासहित १९ जनाविरूद्ध राज्यविरूद्धको कसुरमा अनुसन्धान भइरहेको छ।
त्यस्तै, उनीहरूसहित अन्यलाई संगठित अपराध कसुर र आपराधिक उपद्रवमा पनि अनुसन्धान भइरहेको छ।
-1743335396.jpg)
