प्रधानमन्त्री केपी शर्मा ओलीले मिडियाले नेपाली भाषाको उचाइ घटाएको भन्दै असन्तुष्टि व्यक्त गरेका छन्।
बुधबार गोरखापत्र दैनिकको १२५ औं वार्षिकोत्सवको अवसरमा आयोजित कार्यक्रमलाई सम्बोधन गर्दै प्रधानमन्त्री ओलीले अंग्रेजी भाषाको नक्कल गरेर मिडियाले नेपाली भाषाको कद घटाएको बताएका हुन्।
उनले नेपाली संस्कार र संस्कृतिअनुसारको भाषा नबोली हजुरबा र नातिका लागि एउटै भाषा प्रयोग गरिएको बताएका हुन्।
'मैले राम्रोसँग याद गरेको छैन, राष्ट्रपतिले भन्नुभयो हुन्छ कि भने भन्छ। नातिसँग कुरा गरेर राष्ट्रपतिले उद्घाटन गरे, यो नेपाली भाषा होइन,' उनले भने।
प्रधानमन्त्री ओलीले राजा हिँड्दा सवारी भन्ने तर जनताको छोरा हिँड्दा किन मान्ने भन्ने देखिएको बताए।
'राजा हुँदा हिँड्दैनथे, सवारी हुन्थ्यो। खाँदैनथे ज्यूनार हुन्थ्यो। बस्दैथे, आराम गर्थे। सुन्दैनथे श्रमण हुन्थ्यो। राजतन्त्र फाल्यौँ भनेपछि जनताको छोराछोरी किन मान्ने ? यिनलाई सम्मान किन गर्ने ? यु, यु भनेपछि हजुरबुबा पनि भयो नाति पनि भयो। त्यो पो नक्कल गर्नुपर्छ हाम्रोमा भनेर। जो भाषामा गरिब छ त्यसले हाम्रो भाषामा उचाइ छुन सकेन भनेर हामीले कद घटाउने भाषाको ?,’ उनले भने। -न्युज एजेन्सी नेपाल
