राष्ट्रिय मानव अधिकार आयोगले गत चैत १५ गतेको तीनकुने घटनाको अनुसन्धान पूरा गरेको बताएको छ।
तीनकुने घटनामा मृत्यु भएका पत्रकार स्वर्गीय सुरेश रजकका परिवारको ध्यानाकर्षण पत्र बुझ्दै आयोगकी अनुसन्धान अधिकृत मञ्जु खतिवडाले उक्त घटना गम्भीर विषय भएकोले द्रुत गतिमा अनुसन्धान सम्पन्न भएको जानकारी दिएकी हुन्।
उनले अनुसन्धानको निष्कर्षसहित केही दिनभित्र सार्वजनिक गर्ने आयोगले तयारी गरिरहेको जानकारी दिइन्।
'अनुसन्धान शुक्रबार नै सकिएको हो। अहिले प्रिन्ट हुँदैछ । सायद अब एक दुई दिनमा हामी सञ्चारकर्मीबीच आउनेछौं। हामीले देख्यौं, के पायौं । र, हामी राज्यको ध्यानाकर्षण गराउँछौं । राज्यले मृतकका परिवारलाई के गर्नुपर्छ र घाइते भएकालाई के गर्नुपर्छ भनेर सुझावसहितको रिपोर्ट तयार पारेका छौं,' उनले भनिन्।
उनले दुई जना विज्ञहरुसहितको कमिटीले रिपोर्ट तयार पारेको बताइन्।
'राज्यले के गर्नुपर्थ्यो? किन गरेन ? किन भएन ? भन्ने सबै कुरा मेडिकल रिपोर्टमा भर पर्नुपर्ने हुन्छ । उहाँको पोष्टमार्टम रिपोर्ट र डाक्टरले के भनिदियो भन्नेमा भर पर्नुपर्ने हुनाले हाम्रो समितिभित्र फरेन्सिक डाक्टर पनि हुनुहुन्थ्यो । त्यसैले डाक्टरको एनलाइसिसमा भरपर्छ,' उनले भनिन्।
-1763886130.jpeg)
-1746009348.jpg)
