राष्ट्रिय प्रजातन्त्र पार्टी (राप्रपा) का तीन जना सांसदका पिएसओ (पर्सनल सेक्युरिटी अफिसर) बिहीबार पनि फर्काइएका छैनन्।
नेपाल प्रहरीको अंगरक्षा सुरक्षा गणअन्तर्गत रहने पिएसओहरूलाई फिर्ता बोलाएको थियो।
राप्रपाका प्रमुख सचेतक ज्ञानेन्द्र शाही, सांसदहरू ध्रुवबहादुर प्रधान र दीपक सिंहको पिएसओ बुधबार फिर्ता भएका थिए।
नेपाल प्रहरीका केन्द्रीय प्रवक्ता एसएसपी रमेश थापाले पिएसओहरूलाई ब्रिफिङका लागि बोलाइएको बताएका थिए।
बिहीबार पनि पिएसओहरू ब्रिफिङमै रहेको उनले बताए।
‘ब्रिफिङका लागि गएका हुन्, आज पनि त्यही गएका होलान्। सबै पिएसओहरूलाई बोलाउने गर्छौं। हप्ता, १५ दिनमा बोलाएर ब्रिफिङ गर्ने गरिएको छ,’ उनले भने।
उनले कति पिएसओहरूलाई बोलाइएको हो भन्ने यकिन नभएको बताए।
