संघीय संसद् सचिवालयले सचिवालयभित्रका कर्मचारी युनियन अब कानुनी रूपमा अस्तित्वमा नरहेको स्पष्ट पारेको छ।
सचिवालयले बिहीबार सूचना जारी गर्दै केही नेपाल ऐन संशोधन गर्ने अध्यादेश–२०८३ मार्फत भएको कानुनी संशोधनपछि कर्मचारी युनियनसम्बन्धी व्यवस्था स्वतः हटेको जनाएको हो।
सचिवालयका शाखा अधिकृत विमल परियारले जारी गरेको सूचनामा ‘संघीय संसद् सचिवालय सम्बन्धी ऐन, २०६४’ को दफा ७३ मा रहेको कर्मचारी युनियनसम्बन्धी व्यवस्था अध्यादेशमार्फत हटाइएकाले अब सचिवालयभित्र कुनै पनि कर्मचारी युनियन अस्तित्वमा नरहेको उल्लेख छ।
सचिवालयले २०८३ वैशाख २४ गतेको निर्णयअनुसार उक्त जानकारी सार्वजनिक गरिएको जनाएको छ।
यसअघि राष्ट्रपति रामचन्द्र पौडेलले आइतबार ‘केही नेपाल ऐन संशोधन गर्ने अध्यादेश, २०८३’ जारी गरेका थिए।
उक्त अध्यादेशसँगै निजामती कर्मचारीहरूको ट्रेड युनियनसम्बन्धी कानुनी व्यवस्था खारेज भएको थियो।
-1778229938.jpg)
-1746009348.jpg)
