नेपाली कांग्रेसकी सांसद मनमाया विश्वकर्माले झापाका सुकुम्बासी परिवारहरूलाई वैकल्पिक व्यवस्थापन बिना नहटाउन अनुरोध गरेकी छन्।
उनले बिहीबार प्रतिनिधि सभामा आकस्मिक समयमा अर्जुनधारा नगरपालिका-७ गोस्कान क्षेत्रका सुकुम्बासी परिवारलाई व्यवस्थापन बिनानै हटाउन लागिएको बताइन्।
‘हाल सुकुम्बासी समस्याको चरम भूमरीमा फसेका जनता पटकपटक वैकल्पिक व्यवस्थापनको टुंगो नभई ठाउँ खाली गर्न नगरपालिकाले समय दिएको, उहाँहरूलाई समस्यामा पारी बर्खामा नसारिदिए हुन्थ्यो। हामीसँग चार दिन मात्रै बाँकी छ, अन्यत्र जान मन छैन सभामुख मार्फत रोक्नका लागि सूचना आएकोले जनताको कुरा राख्न चाहेँ,’ उनले भनिन्।
उनले त्यसक्षेत्रमा सुकुम्बासी परिवार विगत ३० वर्षदेखि बस्दै आएको बताइन्।
‘झापा क्षेत्र नम्बर २ को अर्जुनधारा नगरपालिका-७ गोस्कान क्षेत्रमा करिब ३० वर्षदेखि सुकुम्बासी परिवार बस्दै आएका छन्। जीवन निर्वाहको लामो समय बितिसक्दा पनि स्थायी समाधान पाउन सकेका छैनन्,’ उनले भनिन्।
