काठमाडौंको माइतीघर मण्डलमा सुकुम्बासीहरूलाई जबरजस्ती विस्थापन गरिएको भन्दै विभिन्न कम्युनिस्ट घटकहरूले शुक्रबार विरोध प्रदर्शन गरेका छन्।
प्रदर्शनमा सहभागीहरूले सरकारले वैकल्पिक व्यवस्थाविना सुकुम्बासी बस्ती हटाएको आरोप लगाउँदै त्यसको विरोध गरेका हुन्।
उनीहरूले भूमिहीन, सुकुम्बासी तथा अव्यवस्थित बसोबासीमाथि दमन गरिएको भन्दै तत्काल निष्कासन प्रक्रिया रोक्न र सम्मानजनक पुनर्स्थापनाको व्यवस्था गर्न सरकारसँग माग गरेका छन्।
प्रदर्शनका क्रममा सहभागीहरूले सरकारविरूद्ध नाराबाजी गर्दै सुकुम्बासीहरूको आवासको अधिकार सुनिश्चित गर्नुपर्ने, वैकल्पिक बसोबासको व्यवस्था नगरी कुनै पनि बस्ती हटाउन नहुने तथा भूमिसम्बन्धी समस्या दीर्घकालीन रूपमा समाधान गर्नुपर्ने माग राखेका थिए।
उनीहरूले गरिब तथा विपन्न समुदायमाथि हुने दमन स्वीकार्य नहुने चेतावनी समेत दिएका छन्।
तस्बिरहरू:
-1782469125.jpg)
-1782469124.jpg)
-1782469125.jpg)
-1782469124.jpg)
-1782469125.jpg)
-1782469124.jpg)
