सर्वोच्च अदालतले विशेष महाधिवेशनसम्बन्धी मुद्दामा पुनरवलोकन गर्न अनुमति दिएपछि उपसभापति विश्वप्रकाश शर्माले वैधानिक तथ्य र राजनीतिक सत्यलाई थप फराकिलो ढंगले उजागर गर्न मद्दत पुग्ने बताएका छन्।
कांग्रेसको विशेष महाधिवेशन पक्षधरलाई आधिकारिक मानेको आदेशलाई पुनरवलोकन गर्न माग गर्दै निवर्तमान सभापति शेरबहादुर देउवा पक्षबाट दायर भएको निवेदनमाथि बिहीबार प्रधानन्यायाधीश मनोजकुमार शर्मा, नित्यानन्द पाण्डेय र श्रीकान्त पौडेलको इजलासमा सुनुवाइ भएको थियो।
उक्त इजलासले पुनरवलोकनका लागि अनुमति प्रदानसमेत गरेको छ।
त्यसपछि उपसभापति शर्माले भनेका छन्, ‘सर्वोच्च अदालतको संयुक्त इजलासले रिट खारेज गरेर टुंग्याइसकेको विषयमा पुनरावलोकनमा नगएको भए पनि लामो बहस पश्चात न्यायिक निरूपण भइसकेकै थियोl यद्यपि पुन: परीक्षणले विशेष महाधिवेशनको `वैधानिक तथ्य र राजनीतिक सत्य´ लाई थप फराकिलो ढंगले उजागर गर्न पक्कै मद्दत पुर्याउनेछ l’
उनले संयम र परिपक्वतासाथ कांग्रेसको विशेष महाधिवेशनको सम्पूर्ण तथ्यलाई न्यायालयसमक्ष पुन: केस्रा केस्रा केलाएर प्रस्तुत गर्न आफूहरू स्पष्ट, खुला र तत्पर रहेकोसमेत उल्लेख गरेका छन्।
उपभापति शर्मा हिजोआज चीन भ्रमणका क्रममा: छन्।
