सत्तारूढ दल राष्ट्रिय स्वतन्त्र पार्टी (रास्वपा) की सांसद आशिका तामाङले खाना पकाउने ग्यास अभावबारे कविता सुनाएकी छन्।
मंगलबार प्रतिनिधि सभाको बैठकमा उनले पछिल्लो समय ग्यासका लागि डिपोदेखि पसलहरूमा लाइन बस्नुपर्ने बाध्यता रहेको भन्दै कविता सुनाएकी हुन्।
ग्यास-ग्यास-ग्यास,
भएन भने रोकिन्छ खाने गाँस
हातमा छ क्यास तर बजारमा छैन ग्यास
पहुँच हुनेवालाहरूले लैजान्छन् छानीछानी तीन वटासम्म भरिभरि सिलिन्डरका ग्यास
अनि हुँदैन त छिमेकीको घरमा हाहाकार, भोग र प्यास?
सरकार भन्छ पुग्नेछ ग्यास
जनताहरू रातदिन खाली सिलिन्डर बोकी सडकमा छ उठिबास
थानकोटको मान्छे खाली सिलिन्डर बोकी पुग्नुपर्छ बालाजु र टेकु
यिनका मनको पीडा म कहाँ गई पोखू?
लाग्दछ मलाई रमाइलो, मेरै पाखा पखेरो
हिमालफेदी मुन्तिर कहिले बन्छ ग्यास भर्ने पधेँरो?
